WIKI iliyopita katika safu hii ya Kiti cha Moto tulikuwa naye msanii wa muziki wa Dansi anayeitumikia Bendi ya Extra Bongo, Ramadhan Masanja ‘Banza Stone’ ambapo kama kawa, wasomaji walimtwanga maswali kibao ambayo anayajibu kama ifuatavyo:
VIPI ELIMU YAKE?
Banza nakukubali sana swaga zako nzuri kunako tasnia ya Muziki wa Dansi Bongo, je vipi kuhusu kiwango chako cha elimu uliyopitia? Salim Liundi, Dar, 0658110395.
BANZA: Nina elimu ya darasa la saba na vyuo vya muziki Bagamoyo na Korea Culture.
HUYU ANAMFAHAMU VIZURI
Banza nakufahamu vizuri ni kaka yangu kwani huwa una ukaribu sana na baba yangu Mzee David Mwaibula Sinza, nakuomba upige kazi pia punguza pombe kaka hazina maana kumbuka mama yetu alivyosumbuka juu yako lakini akikuona baa ya T- Garden unakunywa, anaumia kaka. Kelvin Mwaibula, Dar, 0713644447.
BANZA: Nitalifanyia kazi hilo, asante.
KWA NINI AMEKIMBIA TWANGA?
Ninavyokujua Banza ulikuwa Twanga Pepeta na sasa upo Extra Bongo, kwa nini umehama? Rudi Twanga ndiyo pazuri. George, Dar, 0656314282.
BANZA: Natafuta maisha, sina mpango wa kurudi Twanga.
UWEZO WA KUTUNGA UMEISHA?
Hongera kama kweli umeacha unga lakini kiwango chako siyo tulichokizoea, je uwezo wako wa kutunga umekwisha? Cassian, 0655202202.
BANZA: Hapana, haujaisha.
HISTORIA YAKE
Kaka nataka kujua historia yako kwa ufupi. Prosper Mallya, Hai, 0658565860.
BANZA: Nimezaliwa Ocean Road, Dar ni mtoto wa mwisho kati ya watoto kumi na moja, shule ya msingi nimesoma Mnazi Mmoja, sanaa nimeanza mwaka 1992.
KUHUSU KUONDOKA EXTRA BONGO
Kaka Banza eti kuna taarifa kuwa unataka kuondoka Extra Bongo kisa masilahi madogo, je ni kweli? Msomaji.
BANZA: Siyo kweli.
CHANZO CHA KUTUMIA DAWA ZA KULEVYA
Big up kaka kwa kazi zako, napenda kujua nini hasa chanzo kilichosababisha uanze kutumia madawa ya kulevya na je umeacha? Jackson, Tanga, 0656831913.
BANZA: Hakuna chanzo si unajua ujana ni maji ya moto! Kwa sasa nimeacha.
KUBAMBWA AKIWA TILALILA
Banza juzikati nilikuona mitaa ya Ukonga-Banana ukiwa chicha, vipi bado unatumia mambo yetu nini? Twalib Hemed, Tanga, 0755909092.
BANZA: Umenifananisha, siyo mimi.
JE, ANA WATOTO WANGAPI?
Banza nataka kujua una watoto wangapi? Peter Kasele, Dar, 0752601166.
BANZA: Nina mtoto mmoja.
KUHUSU MUZIKI WA DANSI
Banza unazungumziaje muziki wa dansi kwa sasa je, unapanda au unashuka? Elia, Iringa, 0718085308
BANZA: Muziki wa dansi nauona uko palepale tu.
MAFANIKIO VIPI?
Banza umepata mafanikio gani katika muziki? Christ Hokororo, Dar, 0719100933.
BANZA: Nimefanikiwa kununua vyombo vya studio pamoja na kujuana na watu wengi, nje na ndani ya Bongo.
TOFAUTI NA MUZIKI ANAFANYA NINI?
Nje ya muziki unafanya kazi gani? Timilai Shemalamba, Tanga, 0653702100.
BANZA: Sina kazi nyingine tofauti na muziki.
KUZUSHIWA KIFO
Vipi kuhusu ishu ya kuzushiwa kifo, unaichukuliaje? Msomaji, 0717710527.
BANZA: Nilijisikia vibaya sana na siyo nzuri kwangu jamani siyo vizuri kumzushia mtu kifo.
KUHUSU KUCHOKA KWAKE
Kaka unaonekana kuchoka sana, vipi unakunywa pombe kali? Msomaji, 0754021962.
BANZA: Hapana.
Tupe maoni yako hapo chini..!
0 comments:
Post a Comment
TOA MAONI YAKO HAPA....